Dato Sri Rohani Nyukung Pasar Tamu Simanggang Digaga Nyadi Palan Mendam Bazar Ramadan Enggau Pasar Malam

HARI ENAM, 16 APRIL 2022

SIMANGGANG: Kaban Parlimen Batang Lupar, Dato Sri Rohani Karim meri sukung penuh ngagai perambu ngaga palan mit  Expo Bazar Ramadan Tamu Simanggang nyadi palan mendam endur bazar Ramadan enggau mega Pasar Malam.

Ku iya, nya deka mantu raban pedagang ngiga penatai pemisi pengudah dua taun tejanggal ketegal pengelekai COVID-19.

Iya madah, sukut pengelikun enggau pemeresi mesti dikemerat kelimpah terus ngasika Atur Pengawa  Standard (SOP) dikena matak temuai datai.

Iya madah munyi nya maya bejadika Expo Mit Bazar Ramadan bepalan ba  Dewan Sri Lemanak Sri Aman, Hari Empat.

Udah nya, Dato Sri Rohani bisi limpang ngemataka pengawa nyadung bubur lambuk ngagai 32 ruai dagang ke ngambi bagi ba Expo Mit Bazar Ramadan nya.

Bela bisi datai, pengari Residen Sitak Sri Aman; Ramon Addy Mroon@Ambrose, pengari Pegawai Pelilih Sri Aman; Azmi Morshidi, Walikota Opis Kaunsil Pelilih Sri Aman; Kaunselor Anthony Abell Chendan; Penghulu Abang Norin Abang Norudin, bala Ketuai Opis Perintah sereta Tuai Raban Bansa enggau Genturung Pendiau (KMKK).-EDISI UKAS

add comment