HARI SATU, 18 APRIL 2022

KUALA LUMPUR: Bayar khas RM10,000 Gerempung Wang Turu Pengereja Pengawa (KWSP) diinsur tumu berengkah sehari tu.

Pekara tu dipadahka Menteri Wang, Tengku Datuk Seri Zafrul Tengku Abdul Aziz nengah laman Facebook iya, kena Hari Minggu.

“Aku pechaya rayat berasai lantang ati enggau pemutus KWSP udah meri pemendar mansutka simpan maksimum RM10,000 dikena ngelempungka tating belanja.

“Peminta tu udah dibuka ungkup sida ke beumur 55 taun ke baruh berengkah 1 April nyentuk 30 April 2022 lalu berengkah dibayar berengkah 18 April tu,” ku iya.

Tengku Datuk Seri Zafrul mega madah, bayar khas tu dibayar nengah chara berenggat lalu iya ngarapka pekara nya deka ngerami agi Aidilfitri taun tu.

Dulu ari tu, Menteri Besai, Datuk Seri Ismail Sabri Yaakob ba aum media khas kena 16 March tu tadi madahka pemutus nya digaga bepelasarka pansik sereta ngira rayat ke agi bisi mengkang betapi enggau penanggul ekonomi, lenyau pun penatai kelimpah deka ngepunka baru pengidup. -EDISI UKAS