HARI DUA, 24 MEI 2022

KUCHING: Perintah diansak meras ngaga pemansang jalai alun lebih agi di menua pesisir tauka ulu sungai.

Kaban Kunsil Nengeri (ADUN) Pelagus, Wilson Nyabong Ijang madah, pemansang nya nyadika pelasar ngagai pemujur tikas pelajar bala nembiak.

“Kitai suah ninga bala nembiak bedarat nujah repa, kampung tauka merau bejam-jam maya nurun sekula.

“Ketegal nya aja mayuh jam sida tebuai ngapa alai manah agi sida belajar tauka ngaga kereja rumah,” pia ku iya maya Aum Kunsil Nengeri (DUN) Sarawak Ke-19, kena Hari Satu.

Ku Wilson Nyabong, penanggul ke ditapi nya ulih diputar enggau lengkas tauka engkeman agi ari pengawa perintah gaga jalai alun.

Ba pekara bukai, iya bela ngansak ejensi ke ngaga projek tauka sida ti bekaul beratika pun penanggul projek ‘sakit’.

“Ukai semina nya, rega ke majak mar kelimpah rega tambang, projek pemansang ba menua pesisir tauka ulu sungai deka napi penanggul,” ku iya madah baru. -EDISI UKAS