Premier Sarawak & Dato Sri Mustapha Berandau Mutar Penusah Seranta

HARI TIGA, 25 MEI 2022

KUCHING: Perintah Sarawak enggau Perintah Besai deka majakka ulah besaup mutarka penanggul penyeranta di nengeri tu.

Dulu ari nya, Premier Sarawak Datuk Patinggi Tan Sri (Dr) Abang Abdul Rahman Zohari Tun Datuk Abang Openg nerima penemuai basa ari Menteri Ba Opis Menteri Besai (Ekonomi), Dato Sri Mustapha Mohamed ba Begunan Kunsil Nengeri (DUN) Sarawak, kena Hari Tiga.

Ba pengawa nyauka sejam nya, ku Dato Sri Mustapha, Perintah Besai endang chakah mutarka penanggul seranta manggai taun 2025 lalu di Sarawak, sida merambu deka ngabas 30 bengkah endur taun tu.

“Taun tu di Sarawak, kitai udah ngelanggur tiga bengkah renggat nemuai alai renggat keterubah bisi 10 bengkah endur lalu nangkan ke nya 10 iti endur.

“Reti iya taun tu bisi 30 iti endur udah dipilih,” pia ku iya maya dirandau media udah penemuai basa nya.

Iya enggau nya bela beterima kasih ngagai Perintah Sarawak ke udah ngemuntangka pengawa iya ngatur program nemuai bejalaika pengawa perintah ke nengeri tu. -EDISI UKAS

add comment