HARI LIMA, 17 JUN 2022

KUCHING: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg siku tuai ti ngembuan juluk ati ti besai ba pengawa nyaup rayat Sarawak.

Pekara tu diterangka Chairman Bintulu Port Holdings Berhad (BPHB), Dato Abdul Mutalib Alias udah iya ngatur penemuai basa ngagai Premier Sarawak ba Wisma Bapa Malaysia ditu, kena Hari Lima.

Ku iya, Datuk Patinggi Tan Sri Abang Zohari ukai semina ngembuan juluk ati besai tang semampai nyukung nama-nama pengawa ke diatur Bintulu Port.

“Kami mega bekunsika penemu enggau buah runding ukai semina bekaul Bintulu Port tang mega pekara bukai baka pekara pengawa berumah.

“Kelimpah ari nya, iya bela bisi buah penemu ti manah dikena nyaup rayat nengeri tu,” ku iya maya dirandau.

Dato Abdul Mutalib enggau nya ngarapka kaul Bintulu Port enggau Perintah Sarawak semampai meruan.

“Kami beterima kasih ke sukung, saup enggau bantu ke diberi Perintah Sarawak ngagai kami,” pia ku iya.-EDISI UKAS