HARI DUA, 28 JUN 2022
KUCHING: Keterubah iya Unit Komunikasyen enggau Pemadah Sarawak (UKAS) ngatur Program Abas Ukas beserimbai Pengerami Ngiling Bidai ba Balai Mensia Mayuh Kampung Sungai Agas ditu, kena Hari Minggu tu tadi.
Pengerami ke bela disaup Parti Pesaka Bumiputera Bersatu (PBB) Pampang N.4 Pantai Damai, PBB Pati enggau Komiti Pemansang enggau Pengelikun Genturung Pendiau (JKKK) Kampung Sungai Agas Baru nya nerima timbal ke manah ari mensia mayuh dia.
Nambahka nya, pengerami dirichah enggau penatai Sapit Menteri Utiliti enggau Telekomunikasyen ke mega Kaban Kunsil Nengeri (ADUN) Pantai Damai, Datuk Dr Abdul Rahman Junaidi.
Ba jaku iya maya nya, Datuk Dr Abdul Rahman madahka pengerami nya patut disambut belama ba taun nangkan ke tu ti tau bendar negapka agi kaul enggau pangan diri.
Iya enggau nya meri terima kasih ngagai UKAS ke udah mujur ngatur pengerami ti bela nyadika pelasar pemanah kaul pemesai begulai enggau rayat mayuh. -EDISI UKAS
