HARI DUA, 19 JULAI 2022
SRI AMAN: Projek Transformasyen Menua Pesisir (RTP) ngaduka parit enggau ngaga sapat ba Rumah Charli Ata di Kampung Peruan A ditu, udah tembu.
Projek RM200,000 nya dipenyadi Sapit Menteri Pelajar, Inovasyen enggau Pemansang Pengelandik II Sarawak, Datuk Francis Harden Hollis, empai lama tu tadi.
Datuk Francis ke mega Kaban Kunsil Nengeri (ADUN) Simanggang madah, projek nya berengkah digaga 27 Disember 2021 lalu mujur tembu nitihka timpuh ke udah ditetapka.
Iya madah, penembu projek nya ulih nagang ai pasang tama ngagai laman rumah lalu nyeliah penusah ampuh ai.-EDISI UKAS
