HARI EMPAT, 21 JULAI 2022

KUCHING: Tuai Megai Menua (TYT) Nengeri Sarawak, Tun Pehin Sri Abdul Taib Mahmud nerima penemuai basa ari Kaunsil Pejilin Sarawak (SSC) ti diuluka Presiden iya, Tan Sri William Mawan Ikom di Demak Jaya, kena Hari Empat.

Tuju penemuai basa tu dikena meri basa ngagai TYT ke nyadi Patron Pejilin Malaysia Pampang Sarawak datai bejadika Kenyalang Scout Award kena 27 Julai tu.

Tan Sri William Mawan madah, penemuai basa nya mega dikena meri penerang ke silik bekaul enggau program ke deka diatur keterubah iya nya di Sarawak.

Penemuai basa nya bela disempulang Sapit Presiden SSC, Dato Mohamad Safri Abdillah, Mandal Presiden SSC, Jumaat Ibrahim enggau Kho Ik Teck, Tuai Pesuruhjaya Pejilin, Kapten Zainuddin Tan Sri Hamdan, Sekretari Eksekutif, Zasran Abdullah enggau Kaban Kaunsil, Arthur Lee Cheng Chuan. -EDISI UKAS