Rayat Sarawak Lantang Begulai, Nadai Betagang Ngemeranka Jalai Pengarap Diri

HARI SATU, 25 JULAI 2022

MIRI: Rayat Sarawak nadai penanggul idup begulai enggau pangan diri lalu enda betagang ngemeranka jalai pengarap ke enda sebaka.

Menteri Pengangkut Sarawak, Dato Sri Lee Kim Shin madah, Perintah Sarawak mega semampai nyaup sereta nyaga pengelantang rayat pupu raban bansa di nengeri tu.

“Nya alai, kitai bisi meda Unit Pekara Pengarap Bukai (UNIFOR) ti ditumbuhka Perintah Sarawak ke megai pengawa nyaga pengelantang pengidup rayat kelimpah ari Islam,” pia ku iya madah.

Iya bejaku munyi nya maya pengawa nyuaka 500 kambut beras ngagai raban B40 enggau 100 pesakit tungkul sengayuh ba Palan Gerempung Pengarap Bodhisattva Miri ditu, kena Hari Minggu.

Beras nya diberi ari orang ke enggai dikelala nama.

Nambahka jaku iya, Kaban Kunsil Nengeri (ADUN) Senadin nya mega madah, ari pengelantang pengidup pupu raban bansa enggau jalai pengarap, Sarawak deka semampai nyadi nengeri chunto ba menua tu.

Pekara tu ku iya mesti semampai ditan ngambika seruran nyadi pengering pelasar pengidup rayat Sarawak.-EDISI UKAS

add comment