UKAS Nerima Penemuai Gawa Perbadanan Putrajaya

HARI EMPAT, 28 JULAI 2022

KUCHING: Unit Komunikasi Awam Sarawak (UKAS) nerima program nemuai bejalaika pengawa ari Opis Servis Korporat Perbadanan Putrajaya (PPJ) ti betuaika Mandal Presiden Korporat sida, Shamshul Joehari Zainal Mokhtar ba Palan Talikhidmat di Wisma Bapa Malaysia, Kuching, sehari tu tadi.

Penatai 25 iku pengereja pengawa PPJ nya ngembuan tuju deka nambah penemu baru kelimpah bekunsi runding bekaul sistem talikhidmat UKAS ti diatur Sains Contact Centre lalu ngena awak nya meda kediri chara palan nya bejalaika pengawa.

Maya nya sida diterangka Tuai Palan Talikhidmat, Norita Dolbah bekaul servis dia sentang sistem ngatur palan nya nyengkaum bekaul kes tauka sebana ke diterima.

Nangkan ke nya, raban PPJ dilalu merarau ba sebuah restoran ti ngenahka pemakai asal sarawak seraya begulai enggau pengereja pengawa UKAS ke dipeda tau bendar nyadi pelasar nempa kaul manah enggau pangan diri.

Bela ngelaluka penatai raban tu iya nya Direktor UKAS, Samat Junai enggau Sapit Direktor UKAS, Samuel Simon.-EDISI UKAS

add comment