Sukung Ngagai GPS Ba PRU-15 Besai Reti Ngagai Pengawa Majakka Pemansang

HARI DUA, 2 OGOS 2022

KUCHING: Sukung rayat ngagai Gabungan Parti Sarawak (GPS) ba Pengawa Bepilih Besai Ke-15 (PRU-15) ke deka datai besai reti ngagai pengawa majak numbuhka pemansang ba nengeri tu.

Sapit Menteri Pengangkut (Sungai enggau Tasik) Sarawak, Dato Henry Harry Jinep madah, ba perintah, sukung nya nyadi pengawa ke mesti ditimbal enggau pengeransing ngubah tikas pemansang Sarawak.

“Sarawak mayuh pun penatai ti mesti dijaga sereta ditanka.

“Nya alai, sukung rayat beguna amat ba PRU-15 ke deka datai,” pia ku iya madah maya Pengerami ‘Reunion’ ex-Pengereja Pengawa Komiti Pengawa Berumah enggau Pemansang Sarawak (SPPS) ke diatu udah diganti nama enggau Opis Pemansang Pengawa Berumah (HDC), ditu empai lama tu tadi.

Pengerami nya bela digulu Kaban Kunsil Nengeri (ADUN) Meradong, Datuk Ding Kuong Hiing, Chairman HDC, Datuk Dr. Abang Abdul Rauf Abg Zen enggau ex-Chairman HDC, Datuk Peter Nansian Ngusie.

Nambahka jaku iya, Datuk Henry ke mega ADUN Tasik Biru madah, Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg diatu benung nemuai bejalaika pengawa perintah ke London ba tuju nyikap nengeri tu belabuh bisi ‘sovereign wealth fund’. -EDISI UKAS

add comment