Premier Sarawak Deka Bejadi Esplanade Simunjan Kena 20 Ogos Tu

HARI TIGA, 3 OGOS 2022

SIMUNJAN: Esplanade Simunjan ti nyadi kelai baru ngagai menua nya deka dipenyadi Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg kena 20 Ogos tu.

Ketegal nya, Kaban Kunsil Nengeri (ADUN) Simunjan, Awla Dris datai enggau Residen Sitak Samarahan Brahim Lumpu sereta bala ejensi perintah ke bukai ngabas Esplanade Simunjan dulu, kena Hari Dua tu tadi.

Sebedau nya mega, sebengkah aum udah diatur ba Opis Pelilih Simunjan bekaul enggau pengerami nya.

Esplanade Simunjan digaga enggau ungkus RM1,244,781 berengkah 6 November 2019 lalu tembu kena 5 Ogos 2022 ba projek renggat keterubah lalu projek renggat kedua berengkah digaga 25 September 2021 lalu tembu 21 Januari 2022.

Esplanade nya belabuh dibuka ngagai mensia mayuh kena 28 Jun tu tadi.-EDISI UKAS

add comment