HARI DUA, 9 OGOS 2022

KUCHING: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg nerima penemuai basa ari Kaban Komiti Dipilih Khas Pengelikun Malaysia ba opis iya di Wisma Bapa Malaysia, Kuching, kena Hari Satu.

Penemuai basa nya diuluka chairman sida ke mega Kaban Parlimen Sungai Petani, Dato Johari Abdul.

Bela nyempulang maya nya Kaban Parlimen Ulu Rajang, Datuk Wilson Ugak Kumbong enggau Kaban Parlimen Ledang, Syed Ibrahim Syed Noh.

Tuju penemuai basa nya dikena nerang ngagai Premier Sarawak bekaul pengelikun malaysia lebih agi di Sarawak.

Sama bela datai maya nya Menteri Dagang Temuai, Industri Kreatif enggau Seni Pemerindang Sarawak, Dato Sri Abdul Karim Rahman Hamzah, Sekretari Perintah Sarawak, Dato Sri Mohamad Abu Bakar Marzuki sereta Direktor Unit Pengelikun enggau Penerit Adat Sarawak, Datuk Dr Chai Khun Chung. – EDISI UKAS