SBA Deka Ngatur Program Nyungkak, Nempa Mayuh Agi Pemain Badminton Nembiak

HARI DUA, 9 OGOS 2022

KUCHING: Gerempung Badminton Sarawak (SBA) deka ngatur mayuh agi program ti ulih nyungkak sereta nempa pengelandik raban nembiak ba main badminton.

Sapit Menteri Raban Nembiak, Lumba Enggau Pemansang Orang Dagang, Dato Gerald Rentap Jabu madah, iya andal deka meda mayuh agi nembiak landik ba main nya ke ukai semina nyadi pengari ba lumba SUKMA serak tu tang mega bisi pengari ke lebih agi ngembuan pengelebih maya SUKMA 2024 ila.

“Kitai deka nyendiaka perengka guna ke lebih manah agi dikena matak mensia mayuh lalu ngarapka lumba tu ulih dikerembaika agi,” ku iya madah ba aum media di Dewan SBA kena Hari Satu empai lama tu tadi.

Nambahka jaku iya, Dato Gerald madah, Sarawak ngembuan juluk ati deka bisi atlit diri empu ba Olimpik taun 2030 ti nyulut ba main badminton renggat dunya.

Kelimpah ari nya, iya mega ngarapka bala atlit ti ngambi bagi ba SUKMA 2022 deka nempa pemujur mai nama manah nengeri Sarawak.

Bela bisi datai iya nya Sekretari World Chinese Badminton Federation Sibu (WCBFS) Chou Yeng Khai enggau Coach Ichwanshah Rusly Ali. – EDISI UKAS 

add comment