Pengelantang Nembiak Semampai Dikemeratka Perintah Sarawak

HARI LIMA, 12 OGOS 2022

KUCHING: Perintah Sarawak semampai nyaga sereta ngemeratka pengelantang pengidup bala nembiak.

Menteri Pemansang Raban Indu, Nembiak Mit enggau Pengelantang Mensia Mayuh Sarawak, Dato Sri Fatimah Abdullah madah, tu seririh enggau tuju penumbuh Rumah Kanak-Kanak Toh Puan Hajah Norkiah Kuching ti nyaup nyaga nembiak kelimpah nyaup nyaga pemanah pemansang tubuh enggau runding sida.

Iya madah, seraya nya palan nya mega nyendiaka gaya tauka pengelantang pengidup nitihka gaya idup diri sebilik ti likun.

Iya bejaku munyi nya maya bejadika Pengerami Nyuaka Surat Chiri Gawa Kaban Gerempung Temuai (ALP) ba Rumah Kanak-Kanak Toh Puan Hajah Norkiah ditu, kena Hari Empat.

Dato Sri Fatimah mega madah, ALP megai pengawa nyaup Pengatur Rumah Nembiak ba macham bengkah program enggau ngadu institusyen baka nya.

Iya bela ngarapka ALP ke baru dipilih ulih bejalaika pengawa enggau manah ngambika bela besaup bejadika tuju penumbuh institusyen. -EDISI UKAS

add comment