TERATAI, PUSPANITA Nemuai Ngagai Muzium Budaya Borneo

HARI LIMA, 12 OGOS 2022

KUCHING: Persatuan Amal Isteri Wakil Rakyat Pahang (TERATAI) enggau Persatuan Suri dan Anggota Wanita Perkhidmatan Awam Malaysia (PUSPANITA) udah nemuai ngagai Muzium Budaya Borneo (BCM) ditu, kena Hari Empat.

Penatai sida diuluka Chairperson TERATAI, Datin Sri Dato’ Burhah Mohammed lalu disambut Direktor Opis Muzium Sarawak, Tazudin Mohtar.

Maya dirandau media, Datin Sri Dato’ Burhah madah, penemuai sida nya dikena nimbal pengawa sebaka ari Sarawak Badan Amal Tenaga Isteri-Isteri (SABATI) ke udah nemuai ke Pahang sebedau tu.

“Penatai kami ari TERATAI enggau PUSPANITA tu dikena nimbal penemuai SABATI ke Pahang taun 2019 suba ke dipeda tau bendar nempa sereta negutka agi kaul TERATAI enggau SABATI,” ku iya madah.

Kelimpah ari nya, bini ngagai Menteri Besai Pahang, Dato’ Sri Wan Rosdy Wan Ismail nya mega madah, BCM nya muzium ke manah amat alai bulih penemu bekaul artifak ke ukai semina ari Sarawak aja tang bela mungkur siti Borneo.

“Ba aku, Muzium Budaya Borneo tu ngembuan mayuh barang lama ke ulih dipeda ti datai ari serata Borneo.

“Kami mega ulih berati sereta belajarka penemu baru sentang artifak tu,” ku iya madah. -EDISI UKAS

add comment