Tiga Iku Nembiak Nyulut STPM Di Limbang Deka Nerima Bantu Belajar

HARI LIMA, 19 OGOS 2022

LIMBANG: Yayasan Sarawak deka meri bantu belajar ngagai tiga iku nembiak ari Limbang ke nyulut ba peresa Sijil Tinggi Pelajaran Malaysia (STPM).

Berita gaga tu dipadahka Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg maya bejadika Pengerami Hari Pengajar Ke-51 ba Dewan Suarah Limbang ditu, kena Hari Empat.

Ku iya, tu nyadika kelai basa Perintah Sarawak ngagai pemeras nembiak ngulihka pemujur ba peresa nya.

“Dua iku nembiak tu ari Sekula Sekondri (SMK) Kubong enggau siku agi nembiak sekula SMK Merapok.

“Kitai deka meri sida bantu belajar ari Yayasan Sarawak beserimbai Hari Pengajar taun tu,” pia ku iya madah.

Nambahka jaku iya, Datuk Patinggi Tan Sri Abang Zohari madah, Perintah Sarawak nengah Yayasan Sarawak enggau opis menteri bekaul semampai deka meri sukung enggau naka alah ba tuju nempa rebak ke mujur seririh enggau pengelantang pengidup ba Bumi Kenyalang. -EDISI UKAS

add comment