HARI DUA, 4 OKTOBER 2022
MIRI: Unit Pekara Pengarap Bukai (UNIFOR) deka ngatur pengawa besampi beserimbai enggau pengerami nyambut hari pengada ke-86 Tuai Megai Menua (TYT) Yang Di-Pertua Negeri Sarawak, Tun Pehin Sri Abdul Taib Mahmud kena 7 Oktober tu.
Enam institusyen pengarap iya nya Kristian, Bahai, Hindu, Tao, Buddha enggau Sikh deka begempuru ngatur pengawa nya.
Direktor UNIFOR, Richard Lon madah, pengawa nya sebagi ari program ke diatur dikena nyambut hari pengada nya.
Kelimpah ari nya, Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg disadang deka datai ngulu pengerami nya ila.-EDISI UKAS