HARI ENAM, 5 NOVEMBER 2022

KANOWIT: Penuduk Parlimen Kanowit nyangka ‘angat’ serak Pengawa Bepilih Besai Ke-15 (PRU-15) tu enggau lima iku chalun udah nganjung nama bediri.

Datuk Ago Dagang ke megai penuduk nya ngelama tu deka disatup chalun Pakatan Harapan (PH) enggau tiga iku chalun ngatika diri.

Chalun ngatika diri, Michael Lias datai dulu ba Palan Ngantung Nama di Opis Pelilih Kanowit pukul 7.30 pagi disempulang pemantai nama iya, Retel Labong enggau penyukung, Enggu Jok.

Iya ditangkan chalun PH, Mohd Fauzi Abdullah ke datai dia pukul 7.50 pagi diuluka pemantai nama enggau penyukung iya, Rumbok Jeling enggau David Simon Tat.

Datuk Ago datai dia pukul 8 pagi disempulang urung 700 iku chalun nyengkaum ADUN Ngemah, Anyi Jana enggau ADUN Machan Allan Siden Geramong.

Nama iya dibantaika Ron Ugai lalu Ugap Seribu nyadi penyukung.

Dua iku agi chalun ngatika diri iya nya Chen Nguk Fa enggau Elli Luhat datai dia pukul 8.20 pagi enggau 8.45 pagi.-EDISI UKAS