HARI ENAM, 6 NOVEMBER 2022

KUCHING: Tiga iku chalun ari Gabungan Parti Sarawak (GPS), Pakatan Harapan (PH) enggau chalun ngatika diri deka besemekih ngambi penuduk Parlimen Santubong ba Pengawa Bepilih Besai Ke-15 (PRU-15).

Chalun GPS, Dato Sri Nancy Shukri, chalun keterubah datai ba palan ngantung nama di Dewan Sri Merpati Institut Kemahiran MARA (IKM) JalaI Sultan Tengah, Petra Jaya ditu, Hari Enam.

Penatai iya, pukul 8 pagi disempulang lebih 100 iku penyungkung nyengkaum ex-Kaban Parlimen Santubong Dato’ Sri Wan Junaidi Tuanku Jaafar, Kaban Kunsil Nengeri (ADUN) Tanjong Datu Azizul Annuar Adenan, ADUN Pantai Damai Datuk Dr. Abdul Rahman Junaidi, ADUN Demak Laut Dr. Hazland Abang Hipni enggau ex-ADUN Tanjong Datu Datuk Patinggi Puan Sri Jamilah Anu.

Dato Sri Nancy nyuaka pom bediri disempulang pemantai nama iya, Azizul Annuar Adenan enggau penyukung, Rosmah Zaini pukul 9:06 pagi.

Tu ditangkan chalun PH, Mohamad Zen Peli datai pukul 9.11 pagi enggau chalun ngatika diri, Affendi Jeman pukul 9.15 pagi.

Dato Sri Nancy mindah bediri ari Parlimen Batang Sadong ngagai Parlimen Santubong nganti Dato Sri Wan Junaidi Tuanku Jaafar.

Dulu ari nya, Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg bela datai meri sukung ngagai Dato Sri Nancy. -EDISI UKAS