HARI ENAM, 19 NOVEMBER 2022

SARIKEI: Chalun Gabungan Parti Sarawak (GPS) ba Parlimen Sarikei, Dato’ Sri Huang Tiong Sii nempa sejarah udah iya menang ngalahka chalun Parti Tindakan Demokratik (DAP), Roderick Wong Siew Lead ba Pengawa Bepilih Besai Ke-15 (PRU-15).

Iya menang enggau 20,080 undi ngalahka Roderick ke bulih 16,383 undi.

Barisan Nasional (BN) enda kala mujur ngambi penuduk nya kenyau dua penggal ke udah.

Dato’ Sri Huang enggau nya enda nyalam madahka diri berasai gaga nerima pemutus nya.

“Aku meri terima kasih ngagai semua lebih ngagai Premier Sarawak, Datuk Patinggi Tan Sri Dr. Abang Abdul Rahman Zohari Tun Datuk Abang Openg ti ngandalka aku bediri ba penuduk tu,” pia ku iya maya berandau enggau media.

Ba PRU-14 suba, Dato’ Sri Huang ti ngarika BN alah ngelaban chalun Pakatan Harapan (PH) Wong Ling Biu. -EDISI UKAS