HARI ENAM, 21 JANUARI 2023
KUCHING: Sarawak besedia nyadi tuai rumah Lumba Malaysia (SUKMA) 2024 nyema nengeri bukai enggai nyadi tuai rumah udah pandemik COVID-19.
Menteri Nembiak, Lumba Enggau Pemansang Orang Dagang Sarawak, Dato Sri Abdul Karim Rahman Hamzah madah, Sarawak endang udah besedia nyadi tuai rumah lalu udah bisi mayuh bengkah perengka guna lumba ke chukup.
Iya bejaku munyi nya ba aum media udah ngulu Pengerami Malam Apresiasyen opis menteri iya di Kuching, hari lima.
Ba pekara bukai, Dato Sri Abdul Karim ke mega Menteri Dagang Temuai, Industri Kreatif Enggau Seni Pemerindang Sarawak madahka dewan suarah di Sarawak patut dikemanahka.
Ku iya, tu ketegal dewan suarah sebagi ari endur mensia mayuh suah ngaga mayuh bengkah program.
Bela datai ba program nya, Sapit Menteri Nembiak, Lumba Enggau Pemansang Orang Dagang Sarawak, Dr. Ripin Lamat, Sekretari Mendam MYSED, Morshidi Fredrick, Direktor Opis Muzium Sarawak, Nancy Jolhi sereta Tuai Pegawai Eksekutif Sarawak Sports Corporation (SSC) & Majlis Sukan Negeri (MSN), Awang Putra Yusrie. -EDISI UKAS
