HARI TIGA, 1 FEBRUARI 2023

KAPIT: Orang gawa perintah nyadi ‘tulang belakang’ perintah ba pengawa bejalaika mayuh bengkah tanggungpengawa.

Sekretari Perintah Sarawak, Datuk Amar Mohamad Abu Bakar Marzuki madah, orang gawa perintah patut semampai regas enggau ransing ba semua pekara.

Iya bela minta semua orang gawa perintah ngemeranka tiga pekara iya nya ‘Rethinking, Revisit dan Recharge’.

Iya bejaku munyi nya maya ngulu Program Penerang Begulai Enggau Orang Gawa Perintah di Kapit, kena Hari Dua.

• 

Nambahka jaku iya, Datuk Amar Mohamad Abu Bakar nyemetak madahka pengeransing enggau kaul manah tiap pengereja pengawa perintah patut bela dikemerat.

Ku iya, semua orang gawa perintah patut nitihka ubah gaya maya hari tu ba pengawa sida.

Iya bela dipadahka tiap orang gawa perintah ngembuan penanggul lalu nya deka diperatika iya.

Kelimpah ari nya, iya mega madahka raban orang gawa perintah patut seruran chakah lalu besaup napi penguji enggau Premier Sarawak Datuk Patinggi Tan Sr (Dr) Abang Abdul Rahman Zohari Tun Datuk Abang Openg.

Bela datai, Sapit Menteri ba Opis Premier Sarawak (Undang-undang enggau Adat Bumiputera) Jefferson Jamit Unyat, Kaban Kunsil Nengeri (ADUN) Pelagus Wilson Nyabong Ijang sereta temuai dipebasa ke bukai. -EDISI UKAS