HARI SATU, 13 FEBRUARI 2023
KUALA LUMPUR: Adat ngepunka Aum Keterubah Penggal Kedua Parlimen Ke-15 udah dipenyadika Yang Di-Pertuan Agong, Al-Sultan Abdullah Ri’Ayatuddin Al-Mustafa Billah Shah ba Laman Parlimen, Hari Satu.
Penatai Yang Di-Pertuan Agong enggau Raja Permaisuri Agong, Tunku Azizah Aminah Maimunah Iskandariah pukul 10 pagi disambut Yang Dipertua Dewan Rakyat, Datuk Johari Abdul ENGGAU Yang Dipertua Dewan Negara, Tan Sri Dr Rais Yatim.
Bela nyambut penatai maya nya Menteri Besai Dato’ Seri Anwar Ibrahim enggau bini Datin Seri Dr Wan Azizah Wan Ismail sereta Sapit Menteri Besai Datuk Seri Ahmad Zahid Hamidi enggau Dato’ Sri Fadillah Yusof.
Al-Sultan Abdullah enggau Tunku Azizah nangkan nya diuluka ngelawa Penterana Diraja lalu nerima ‘Basa Diraja’ sebedau meresa baris ari Batalion Pertama Rejimen Askar Melayu Diraja.
Nangkan nya, Al-Sultan Abdullah enggau Tunku Azizah dibai ngagai bilik belelak Diraja ba Bangunan Parlimen sebedau ngulu Aum Dewan Rayat ngenataika Jaku Diraja.
Aum serak tu diatur ba pengelama 29 hari nyentuk 30 March tu ila ditangkan Dewan Negara ti belabuh ari 21 March nyentuk 6 April.
Aum tu mega bela bejuraika Rang Undang-Undang Perbekalan 2023 ari Dato’ Seri Anwar ke mega Menteri Wang ti disadang diatur kena 24 Februari.-EDISI UKAS
