HARI SATU, 27 FEBRUARI 2023

TATAU: RM40,000 Geran Projek Mit Menua Pesisir (MRP) udah diberi ngagai JKKK di Tatau.

Geran nya diterima JKKK Rumah Oyau, JKKK Rumah Danggat, JKKK Rumah Jayan, JKKK Rumah Lemu, JKKK Rumah Kelambu, JKKK Kampung Dagang Tatau enggau JKKK Kampung Baru Tatau.

Pengawa nyuaka chek dipenyadika Senator Dato Dr Nuing Jeluing, Hari Minggu tu tadi.

Maya nya iya madahka geran nya diberi perintah Sarawak dikena nyaup rumah panjai ngatur program tauka ngaga projek bekaul.

Iya enggau nya ngarapka pemeri nya ulih dikena enggau manah sereta datai ba tuju peminta.

“Aku ngarapka enggau pemeri nya ulih dikena manah sereta datai ba tuju peminta,” ku iya.

Bela bisi Pemancha Pelilih Tatau Gerosen Jubin enggau Penghulu Lasit Bajieng. -EDISI UKAS