HARI LIMA, 10 MARCH 2023

KUCHING: Sapit Menteri ba Opis Premier Sarawak (Pekara Korporat, Pemadah Enggau Ukas), Datuk Abdullah Saidol udah ngulu pengawa berandau begulai enggau Sapit Sekretari Perintah Sarawak (Pekara Operasyen) Datu Hii Chang Kee ba Indu Opis Unit Komunikasi Awam Sarawak (UKAS) di Bangunan Baitul Makmur 1 Kuching, Hari Lima.

Pengawa nya bela digulu Direktor UKAS, Samuel Simon enggau bala pegawai UKAS ke bukai.

Maya nya, Direktor UKAS nerangka kuing tuju enggau langgur program ke deka diatur sereta dipenyadi UKAS.

Sekeda ari pekara bisi dirandau nyengkaum perambu deka ngatur gempuru media enggau woksyop pelin strategik UKAS.

Kelimpah ari nya, pekara bukai ti bela dirandau iya nya pengawa deka ngatur pengerami nyambut taun ke-5 UKAS kenaka 1 Ogos ti deka datai.

Macham bengkah program deka diatur dikena ngerichah agi pengerami maya nya ila.-EDISI UKAS