HARI LIMA, 17 MARCH 2023
KUCHING: Perintah Sarawak besetuju meri tanah ungkup projek ngaga Palan Main Asal China Muslim di Jalai Diplomatik di Kuching.
Presiden Gerempung Pengintu Pengelantang Tionghua Islam Sarawak (PERKTHIS), Mortadha Lau Abdullah madah, projek ngaga palan nya diatu benung dilangkar lalu dipelabaka berengkah digaga taun 2025.
Ku iya, kos ngaga palan main asal ba tanah 1.5 ikar pemesai nya bela empai ditentuka.
“Kami udah bulih tanah ari perintah negeri dikena ngaga Palan Main Asal China Muslim. Penyiru Premier Sarawak mandangka kami enda diempaya,” pia ku iya.
Iya bejaku munyi nya ngagai pemberita udah penemuai basa ngagai Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg di Opis Premier Sarawak di Kunsil Negeri (DUN), Petra Jaya Kuching, kena Hari Lima.
Bela datai, Sapit Presiden PERKTHIS Muhammad Luk Sulaiman enggau raban PERKTHIS ke bukai. -EDISI UKAS
