HARI SATU, 17 APRIL 2023
KUCHING: Menteri Besai, Dato’ Seri Anwar Ibrahim mujur datai ba Padang Bilun Antarabansa Kuching (LTAK) ba program nemuai iya ke Sarawak, Hari Satu.
Iya ngena bilun khas datai ba padang bilun nya pukul 4.45 lemai disambut Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg.
Bela datai ngambat penatai iya maya nya, bala Sapit Premier Sarawak, Datuk Amar Awang Tengah Ali Hasan enggau Dato Sri Prof Dr Sim Kui Hian, Menteri Pengangkut Sarawak, Dato Sri Lee Kim Shin, Menteri ba Opis Premier Sarawak, Datuk John Sikei Tayai, Sekretari Perintah Sarawak, Datuk Amar Mohamad Abu Bakar Marzuki, Sekretari Perintah Besai Sarawak, Ahmad Nadzri Mohd Hassan enggau bala bukai.
Ba tusun program nemuai nya, Menteri Besai dipadahka deka ngulu pengerami bejadika Raia Hotel & Convention Center enggau Pengerami Buka Puasa begulai enggau raban ‘asnaf’ sereta nembiak patu balu.
Menteri Besai dipelabaka mupuk pulai ke Kuala Lumpur pukul 10 malam tu legi. -EDISI UKAS
