HARI LIMA, 16 FEBRUARI 2024
LAWAS: Kilang ngaga cheese kerebau di Stesyen Nupi Kerebau Meragang Lawas dipelabaka tembu digaga bulan November tu ila.
Sapit Menteri Industri Pemakai, Komoditi enggau Pemansang Wilayah Sarawak, Datuk Dr Abdul Rahman Ismail madah, projek ngaga kilang nya diatu tumu agi ari ke udah dilanggur enggau 17 peratus penembu lalu ditentuka tembu digaga bulan Oktober tauka November tu.
“Kilang tu beungkus RM13 juta deka didirika dikena ngaga cheese kerebau lalu dieksport ngagai makit menua luar.
“Tu ulih nambahka pemansut produk cheese ba Malaysia enggau peminta ari menua bukai,” ku iya nerang.
Ku iya, kilang ke beungkus RM13 juta nya deka ngaga cheese kerebau lalu nyadi pemekal sereta deka dijual ngagai menua luar.
Iya bejaku munyi nya maya bejalaika pengawa perintah ngagai Stesyen Nupi Kerebau Meragang, Lawas, Hari Tiga.
Kaban Kunsil Nengeri (ADUN) Bukit Kota nya mega madah, kilang nya deka nupi 30,000 iku kerebau manggai taun 2030.
“Palan nya ila lebih kurang baka ba menua New Zealand ti madangka pemanah rampa menua sereta dikelilingi bukit enggau ai wong,” pia ku iya.
Sama datai, Kaban Parlimen Lawas Dato Henry Sum Agong, Residen Sitak Limbang Unus Tambi, Pegawai Pelilih Lawas Ladin Atok enggau Direktor NRDA Dato Ubaidillah Abdul Latif. -EDISI UKAS