HARI LIMA, 16 FEBRUARI 2024
DALAT: Pesta Kaul Oya dipelabaka berengkah kena 21 April tu ila lalu deka dipenyadika Tuai Megai Menua (TYT), Yang Dipertua Nengeri Sarawak, Tun Dr Wan Junaidi Tuanku Jaafar enggau bini, Toh Puan Fauziah Mohd Sanusi.
Menteri Pemansang Indu, Nembiak Mit enggau Pengelantang Komuniti Sarawak ke mega Kaban Kunsil Nengeri (ADUN) Dalat, Dato Sri Fatimah Abdullah madah, pengawa bejadika program nya deka diatur enggau chara tradisional iya nya bekenaka perau bebala mayuh di Sungai Oya.
Ku iya, Pesta Kaul Oya diatur baru udah empat taun enda ulih dipejalaika lalu deka diatur enggau penyelai baka pengawa nganjung ‘serahang’ enggau pengawa bekaul mandangka main asal Melanau.
Iya bejaku munyi nya maya ngulu aum bekaul Pesta Kaul Oya, Hari Empat.
Bela bisi datai ba aum nya, Residen Sitak Mukah Kueh Ley Poh, pengari Opis Pelilih Dalat ADO Matthew Hubert enggau Temenggung Hendi Suhai. – EDISI UKAS