BAU: Bau Gawai Parade 2026 ukai semina pengawa bejalai beraban main asal, tang mega nyadi lambang peneguh penyerakup pupu bansa sereta pengeran rebak diatu ngetan pesaka budaya ti nyadi identiti pelilih Bau.

Sapit Menteri Pengangkut Sarawak (Sungai enggau Tasik) Datuk Henry Harry Jinep madah, pengawa komuniti ngambi bagi kelebih agi raban nembiak ba pengawa nya mandangka semangat komuniti Bau ti semampai ngenang budaya enggau pesaka asal sida.

“Enti urung 800 penyereta ngambi bagi ba taun ti dulu, taun tu pengawa tu mujur ngempuru urung 1,800 penyereta ngaul 91 kontinjen sereta bemacham‘float’ pengawa bejalai beraban ti kreatif enggau richah agi.

“Penyampau ti nambah ti ukai semina penyampau aja tang mega nunjukka komuniti deka budaya enggau pesaka asal terus idup, dikenang sereta ditampung ngagai rebak dudi,” ku iya.

Ku Kaban Kunsil Nengeri (ADUN) Tasik Biru nya agi, pengerami nya ukai semina pengerami tauka pemerindang, tang mega mai reti ti dalam bekaul pengawa beterima kasih, ruang bilik, bebakih sereta ngenang pesaka asal aki ini kitai kelia.

Bela datai, Pegawai Pelilih Bau Eddy Nayoi, Presiden Serakup Nasional Dayak Bidayuh (DBNA) Datuk Ik Pahon Joyik, Sekretari Kaunsil Pelilih Bau Ong Ching Ping, Temenggong Komuniti Bidayuh Bagi Menua Kuching Atok Derop sereta temuai dipebasa bukai. - EDISI UKAS