KUALA LUMPUR: Opis Menteri Dagang Antarabansa, Industri enggau Pengawa Meranak Puku Sarawak (MINTRED) mai 10 pedagang Sarawak mandangka bemacham produk enggau dagang lokal ba Borneo Native Festival 2026 ti diatur di Pasar Seni Kuala Lumpur belabuh ari 22 nyentuk 24 Mei tu tadi.

Pengawa ngambi bagi nya ukai semina nyaup nambah peneleba makit produk Sarawak, tang mega meri peluang ngagai pedagang nempa rentayan dagang baru enggau nyerungkai pengulih kerejasama strategik.

Sepanjai tiga hari ngatur festival nya, bala pedagang disadang ngerikod asil jual urung RM230,000 lalu mandangka peminta ti majak nambah sereta pengulih makit ti manah ngagai produk Sarawak.

Program nya udah dipenyadi Sapit Menteri Pengerai Malaysia ti mega Kaban Parlimen Mukah, Dato Hanifah Hajar Taib ti nyadi temuai dipebasa.

Iya mega bisi ngabas Pavilion MINTRED sereta betemu enggau bala pedagang Sarawak ti ngambi bagi ba festival nya. - EDISI UKAS