HARI DUA, 26 OKTOBER 2021
SEBUYAU: Projek ngaga begunan baru Sekula Primari (SK) Sungai Ladong dipelabaka tembu 22 ogos 2022.
Menteri Muda Infrastruktur Enggau Pemansang Penyangkai Kapal Sarawak, Datuk Julaihi Narawi madah, projek nya bekenaka ungkus RM8.6 juta ti mungkur pengawa ngaga enam bilik kelas, lapan buah kuarters pengajar kelimpah perengka guna sekula ke bukai.
Iya ke mega Kaban Kunsil Nengeri (ADUN) Sebuyau madah, projek nya enti nunda tembu 6 Mei tu tadi tang napi penanggul ketegal pengelekai COVID-19.
“Projek tu udah belabuh digaga 7 November 2019, tang ketegal pandemik COVID-19, projek bisi tejanggal lalu kitai melaba projek tu ulih tembu 22 Ogos 2022.
“Tu dikena kitai nganti begunan lama sekula ti mega kelalu semak enggau tebing Sungai Batang Sadong sereta suah napi penusah tanah tusur tauka bah,” pia ku iya madah udah ke ngabas projek nya di Kampung Sungai Ladong ditu, kena Hari Satu.
Iya mega andal penembu projek nya ila deka mai pengelantang ngagai bala nembiak sekula enggau bala pengajar dia. -EDISI UKAS
Comments