HARI MINGGU, 19 DISEMBER 2021
BAU: Chalun Gabungan Parti Sarawak (GPS) Dato Henry Harry Jinep mujur ngetanka penuduk iya ba DUN N.2 Tasik Biru ba PRN Ke-12 Sarawak.
Iya bulih 4, 212 undi majoriti ngalahka tiga chalun lain ari Parti Bumi Kenyalang (PSB), Paul Shanon Kenbell Barin (2,113 undi), Dr Tiki Lafe ari Parti Sarawak Bersatu (PSB) (1,980 undi) enggau Parti Tindakan Demokratik (DAP), Granda Anak Aing bulih 1,359 undi.
Pemutus tu dipadahka Pegawai Pengatur Pengawa Bepilih Besai DUN N.2 tasik Biru, Anielia Siam pengudah tembu ngira undi di Dewan Suarah Bau, kena Hari Enam.
Ba rikod, DUN Tasik Biru bisi 18, 295 iku pengundi berejista lalu 11, 777 iku tauka 64.14 peratus datai ngundi ba PRN-12 Sarawak. -EDISI UKAS