KPLB Merambu Ngaga 35 Unit Rumah Baru Enggau Ngemanahka 475 Unit Sepemanjai RMK-12 Ungkup Parlimen Sibuti

HARI TIGA, 22 DISEMBER 2021

KUALA LUMPUR: Opis Menteri Pemansang Menua Pesisir (KPLB) merambu deka ngaga 35 unit rumah baru kelimpah ngemanahka 475 unit agi dalam timpuh Langgur Pemansang Malaysia Lumpar Ke-12 (RMK Ke-12) ungkup Parlimen Sibuti.

Menteri KPLB Dato Seri Mahdzir Khalid madah, projek nya deka bekenaka ungkus RM10.46 juta.

“Ba taun 2021, KPLB udah nyediaka belanja dikena ngaga enam unit rumah baru enggau 52 unit ngaduka pengawa ngemanahka rumah ke beungkus  RM1.16 juta,” ku iya madah maya nimbal tanya ari Kaban Parlimen Sibuti, Lukanisman Awang Sauni ba Dewan Rakyat kena Hari Satu.

Dato Seri Mahdzir, opis menteri iya chakah deka ngaga sereta ngemanahka 75,000 unit rumah ke beungkus RM2.05 bilion dalam kandang RMK-12 baka ke dipadah Menteri Besai, Dato’ Seri Ismail Sabri Yaakob.

Iya nerang, ari penyampau nya, Sarawak diagihka belanja sepenyampau RM333.3 juta dikena ngaga baru 4,785 unit enggau RM241.1 juta dikena ngemanahka 15, 407 unit bepun ari taun 2021 nyentuk 2025. -EDISI UKAS

add comment

online casino malaysia online casino malaysia malaysia online casino malaysia online casino trusted online casino malaysia trusted online casino malaysia casino online malaysia casino online malaysia