HARI SATU, 27 DISEMBER 2021
SIBU: Semua staf Kaunsil Pelilih Meradong enggau Julau (MDMJ) nyengkaum Pelilih Meradong, Pakan enggau Julau dikearapka terus ransing ngemansangka sitak diri empu.
Nya alai, Datuk Ding Kuong Hiing meri terima kasih ngagai MDMJ laban seruran matau Projek Transformasyen Menua Pesisir (RTP) ba sitak DUN Meradong nyentuk bejalai enggau mujur.
Iya madah munyi nya ba pengerami makai lemai MDMJ di Kingwood Hotel Sibu, Hari Lima.
Nangkan ke nya, iya madah perengkaguna ba Taman Rekreaksi Bintangor deka dikemanah nganti agih belanja udah dikemendarka Kepala Menteri, Datuk Patinggi Tan Sri (Dr) Abang Abdul Rahman Zohari Tun Datuk Abang Openg.
Ba pengerami nya mega, Datuk Ding bisi nyuaka belanja sepenyampau RM10,000 ngagai kelab MDMJ dikena bejalaika aktiviti ninting taun ungkup taun baru.-EDISI UKAS