HARI MINGGU, 16 JANUARI 2022

MIRI: Opis Menteri Pemansang Orang Indu, Nembiak Mit Enggau Pemansang Pengelantang Raban Bansa deka numbuhka Palan Transit Orang Kampar (TTG) Sementara enggau Palan Sukung Komuniti Rama di sitak  Miri.

Menteri Pemansang Orang Indu, Nembiak Mit Enggau Pemansang Pengelantang Raban Bansa, Dato Sri Fatimah Abdullah madah, dua bengkah pekara tu iya nya sebagi ari manifesto Gabungan Parti Sarawak (GPS) deka dipenyadika ungkup rayat.

Iya madah munyi nya ba aum media sepengudah bejadika workshop ‘Penetapan Program Dan Intervensi Sosial Majlis Pembangunan Sosial Tahun 2022’ di Hotel Pullman Miri, Hari Enam.

Dato Sri Fatimah mega madah deka ngabas Palan Sukung Komuniti Rama Miri sereta ngabas Gerempung Pemulihan Dalam Komuniti (PPDK) Miri enggau raban komiti iya.

Kenyau taun 2021, PPDK Miri mujur bulih Anugerah PDK Cemerlang Taun 2021 Renggat Menua ba Program Malam Kasih Oku Malaysia Sebilik bepalan ba Pusat Konvensyen Kuala Lumpur (KLCC).

Berebak enggau nya, Dato Sri Fatimah ngarapka PPDK Miri ulih nyadi chunto ngagai PPDK ke bukai meri servis ke manah ngagai Orang Timpang Pendiau (OKU).-EDISI UKAS

add comment