ADUN Kabong Ngulu Aum Berandau Tuju Industri Apung

HARI ENAM, 19 FEBRUARI 2022

KUCHING: Kaban Kunsil Negeri (ADUN) Kabong, Mohd Chee Kadir bisi ngulu Aum Pemansang Industri Apung ba Bilik Aum Tingkat 2 Wisma Sumber Alam, Kuching, kena Hari Lima tu tadi.

Aum nya betuju nerangka kuing pejalai industri apung enggau negapka agi aktiviti ekonomi enggau pengawa dagang komuniti orang bumai, pekebun enggau orang berikan nengah chara ngemayuh agi penatai pemisi sida nengah chara nyendiaka pengawa puang baru ngagai peranak menua nya.

Kenu ku Opis Menteri Dagang Entarabansa Enggau Industri Terminal Industri Enggau Pemansang Dagang (MINTRED) sereta palan pansik CRAUN, bisi 264 pengemeran gula apong ragas ba Sarawak di 6 bengkah endur nya di Pusa, Asajaya, Debak, Spaoh, Kabong enggau Lawas.

Pusa entara endur ke pemadu regas iya nya ngembuan 197 pengemeran gula apung udah nya ba Kabong bisi 8 iku pengemeran gula apong.

Nya alai, projek komuniti dagang apung tu dipelin manah ngambika ulih dipejalaila ba kabong begulai enggau ejensi bukai ke guna ungkus sepenyampau RM1.105 juta.

MINTRED mega setuju meri mesin ke diguna berega RM200,000.

Kelimpah ari nya, palan pansik CRAUN mega udah nentuka 22 hektar pemesai tanah di Kabong deka dikemansang ungkup Projek Komuniti Pedagang Apung.-EDISI UKAS

add comment