HARI EMPAT, 3 NOVEMBER 2022
KUCHING: Gabungan Parti Sarawak (GPS) udah ngerintai nama 31 iku chalun bediri maya Pengawa Bepilih Besai Ke-15 (PRU-15) ke deka datai.
Chairman GPS ke mega Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg madah, ngeringka tuju ‘Sarawak First’, semua chalun GPS kelimpah orang lama bisi mega ke baru sereta bisi pelajar enggau mayuh peneleba.
“GPS deka ‘nyabung’ 31 iku chalun bediri ba 31 iti penuduk Parlimen.
“Kitai mega nganjung sida ke biak sereta bisi penau mai Sarawak nyingkang mansang manggai taun 2030,” pia ku iya madah ba aum media udah nyuaka surat nyadi chalun GPS ungkup PRU-15, ditu, kena Hari Empat.
Chalun GPS tu iya nya Dato Sri Nancy Shukri (Parlimen Santubong), Dato Sri Fadillah Yusof (Parlimen Petra Jaya), Datuk Rubiah Wang (Parlimen Kota Samarahan) Dato Sr (Dr) Richard Riot Jaem (Parlimen Serian), Ir Yusuf Abdul Wahab (Parlimen Tanjong Manis), Ahmad Johnie Zawawi (Parlimen Igan), Datuk Aoron Ago Dagang (Parlimen Kanowit), Dato Hanifah Taib (Parlimen Mukah), Dato Sri Alexander Nanta Linggi (Parlimen Kapit), Datuk Ugak Kumbong (Parlimen Hulu Rajang), Dato Sri Tiong King Sing (Parlimen Bintulu), Lukanisman Awang Sauni (Parlimen Sibuti), Dato Anyi Ngau (Parlimen Baram), Datuk Hasbi Habibollah (Parlimen Limbang) enggau Dato Henry Sum Agong (Parlimen Lawas).
Lalu chalun GPS ke baru iya nya Lidang Disen (Parlimen Mas Gading), Tay Tze Kok (Parlimen Bandar Kuching), Lo Khere Chiang (Parlimen Stampin), Datuk Willie Mongin (Parlimen Puncak Borneo), Rodiyah Sapiee (Parllimen Batang Sadong), Mohamad Shafizan Kepli (Parlimen Batang Lupar), Dato Sri Doris Sophia Brodi (Parlimen Sri Aman), Roy Angau Gingkoi (Parlimen Lubok Antu), Dr Richard Rapu @ Aman Begri (Parlimen Betong), Giendam Jonathan Tait (Parlimen Saratok), Dato Sri Huang Tiong Sii (Parlimen Sarikei), Datuk Joseph Salang Gandum (Parlimen Julau), Wong Ching Yong (Parlimen Lanang), Clarence Ting Ing Horh @ Ting Ing Ho (Parlimen Sibu), Edwin Banta (Parlimen Selangau) enggau Jeffery Phang Siaw Foong (Parlimen Miri).
Nambahka jaku iya, Datuk Patinggi Tan Sri Abang Zohari madahka GPS deka mantaika manifesto sida kena 6 November tu.
GPS bisi empat parti komponen iya nya Parti Pesaka Bumiputera Bersatu (PBB), Parti Sa’ati Rayat Sarawak (SUPP), Parti Rakyat Sarawak (PRS) enggau Parti Demokratik Progreasif (PDP).
Bela datai maya aum media nya, Sapit Premier Sarawak, Datuk Amar Douglas Uggah Embas, Datuk Amar Awang Tengah Ali Hasan enggau Dato Sri Profesor Dr Sim Kui Hian.-Edisi UKAS