HARI DUA, 22 NOVEMBER 2022

KUCHING: Mensia mayuh di Pelilih Lingga, ba DUN Bukit Begunan deka ngasaika pemansang ai beresi nengah Projek Ai Alternatif Sarawak (SAWAS).

Ku Sapit Menteri Utiliti Enggau Telekomunikasyen Sarawak, Datuk Dr Abdul Rahman Junaidi, projek nya diatu udah digaga 10 peratus lalu disadang tembu tumu, iya nya pun taun 2024.

Iya madah, menua Maludam enggau Triso udah bisi ai beresi ke datai ari Palan Ngubat Ai Maludam.

“Dikena mutarka penanggul ai ba Maludam enggau Triso, siti projek iya nya ‘Proposed Performance-Based Contract For Short Term Solution For Acute Water Supply Shortage For Maludam Water Treatment Plant For Betong Division’ udah digaga Perintah Sarawak.

“Projek digaga enggau ungkus RM10.25 juta nya deka mai pengelantang ngagai 1,174 peranak menua Maludam enggau Triso,” ku iya madah.

Iya nerangka pekara nya dikena nimbal tanya Kaban Kunsil Nengeri (ADUN) Lingga, Dayang Norazah Awang Sohor ba Aum Kunsil Nengeri (DUN) Sarawak Ke-19, Hari Dua.

Taja pia, Datuk Dr Abdul Rahman madah, nadai projek SAWAS digaga ba DUN Lingga.-EDISI UKAS

add comment