HARI DUA, 21 MARCH 2023

DEBAK: Peranak genturung pendiau di Debak beterima kasih ngagai Kaban Kunsil Nengeri (ADUN) Saribas, Mohammad Razi Sitam ti nyaup ngemujurka projek nagang penusah ampuh bah digaga ba menua sida.

Tu bepun ari pengari rayat nya mujur bulih belanja RM30 juta dikena ngaga Projek Rayat nya ti dikemendarka Premier Sarawak, Datuk Patinggi Tan Sri Dr Abang Abdul Rahman Zohari Tun Datuk Abang Openg.

Hari Minggu tu tadi, Mohammad Razi ke mega Sapit Menteri Pemansang Indu, Nembiak Mit enggau Pengelantang Komuniti Sarawak bisi datai berandau enggau rayat dia bekaul bayar pampas ngagai sida ke beempu tanah ditujah projek nya.

Maya nya, iya minta sida meri kerejasama ke manah ngambika projek ulih digaga enggau mujur.

Sehari nya mega iya bisi ngabas Projek Ngemanahka Rumah Rayat Seranta Sarawak (PPRMS) ba Debak Laut alai sebedau nya orang ke beempu rumah minta bantu nyambung karan ngagai rumah iya.

Kelimpah ari nya, iya bela ngabas projek ngaga baru Program Projek Rumah Rayat Seranta (PPRT) ke udah tembu di Debak Laut enggau Kampung Babu. -EDISI UKAS

add comment