HARI ENAM, 19 FEBRUARI 2022

TEBEDU: Program Imunisasyen COVID-19 Nembiak Mit (PICKids) ba Palan Meri Vaksin (PPV) Dewan Sekula Kujang Mawang kemari ngemataka bisi  243 iku nembiak ke beumur 5 nyentuk 11 taun nerima tuchuk vaksin COVID-19.

Kenu ku Pegawai Perubat Opis Pengerai Bagi Menua (PKB) Serian, Dr. Nuraisyah Loh Bojeng, PICKids ke dibuka nya ungkup  empat buah sekula ke dibaruh jaga Klinik Pengerai Tebedu enggau Klinik Pengkalan Amo. 

Entara sekula ke bisi ngambi bagi iya nya Sekula Primari (Sk) Kujang Sain (53), Sk Kujang Mawang (71), Sk Gahat Mawang (50) Enggau Sk Tesu (69). 

Program ke berengkah pukul 8.30 pagi nya bejalai enggau mujur sereta nitihka Atur Pengawa Standard (SOP).

Ungkup penemu, PICKids udah tu ila deka diatur dua minggu ari diatu sereta dikemujur klinik pengerai bunan lalu palan  PPV deka dipadah ila.-EDISI UKAS

add comment