HARI MINGGU, 5 JUN 2022
ENGKELILI: Pengerami Gawai sekali tu richah sepengudah dua taun enda diintu ketegal napi pandemik COVID-19.
Peranak Rumah Panjai Empading Nanga Bunu Skrang ngintu Hari Gawai begempuru enggau diri sebilik ba ruai sama ngintu ngerami Gawai maya nya.
Tu terang bendar mandangka ulah beserakup enggau diri sebilik endang tegut sereta ngempung sida begulai manah enggau sama diri.
Dipadahka, mayuh macham bengkah pengawa diatur maya nya baka beperindang ba ruai enggau pekit lagu karaoke.
Nya alai, Hari Gawai ulih mai penyerakup ngagai peranak menua dia lalu sida ngarapka pengerami nya diintu richah agi ba taun ti deka datai. – EDISI UKAS