RM13.63 Juta Dikena Ngadu, Ngemanah Perengka Guna Pengerai Di Sarawak

HARI TIGA, 27 JULAI 2022

KUALA LUMPUR: Opis Menteri Pengerai Malaysia (KKM) udah ngungkupka agih belanja RM13.63 juta dikena ngadu enggau ngemanah perengka guna pengerai di Sarawak.

Menteri Pengerai Malaysia, Khairy Jamaluddin madah, ari penyampau nya, RM3.86 juta diungkupka ngagai Bintulu.

Iya nerangka pekara nya dikena nimbal tanya Kaban Parlimen Bintulu, Dato Seri Tiong King Sing ba Aum Dewan Rakyat, kena Hari Satu.

Dulu ari nya, Dato Seri Tiong nanyaka penyampau belanja diungkupka dikena ngadu sereta ngemanah perengka guna pengerai di Bintulu enggau meri Magnetic Resonance Imaging (MRI) ngagai Sepital Bintulu.

“Perengka guna MRI deka diberi enti bengunan enggau infrastruktur tembu dulu,” ku iya sambil madah pengawa meri MRI dipelabaka tembu taun 2023. -EDISI UKAS

add comment