HARI EMPAT, 10 NOVEMBER 2022
BELAWAI: Pengundi ba Parlimen Tanjong Manis andal Gabungan Parti Sarawak (GPS) ulih mai pemansang ngagai menua sida.
Ba chalun GPS parlimen nya, Ir. Yusuf Abdul Wahab, iya mega andal rayat dia landik ngaga pemutus ari perati iya sekumbang bejalaika kimpin empat hari dia.
Naka ke diatu kimpin iya udah berengkah ari Belawai sebedau datai di Sungai Sian enggau Selidap di Bintangor.
Tu ditangkan enggau program ‘walkabout’ di Kampung Belawai, Jerijih, Semalau enggau Rajang.
Maya datai ba menua nya iya madahka kerejasama ke diberi ngagai iya ngemuntangka agi pengawa ngaduka kimpin.
Penatai iya mega bela bisi ngabas opis operasyen parti lalu meri jaku peransang ngagai pengereja pengawa parti.
Ba Kampung Belawai, iya mendingka penerang bekaul enggau penanggul projek parit.
Iya madah penanggul nya ulih diputarka Opis Parit enggau Entali Ai (DID) kelimpah deka berandau enggau sida bekaul ngambika penanggul diaduka enggau lengkas. -EDISI UKAS