HARI TIGA, 23 NOVEMBER 2022
KUCHING: Projek ngaga Bintangor Waterfront dipelabaka deka bekenaka belanja RM41 juta.
Sapit Menteri Pengerai Mensia Mayuh, Pengawa Berumah enggau Perintah Menua Sarawak, Datuk Dr. Penguang Manggil madah, projek nya udah dibai ngagai Unit Pengatur Ekonomi Sarawak (EPU).
“Projek tu ngena belanja urung RM41 juta ti deka digagaka mayuh komponen bukai,” pia ku iya madah maya nimbal tanya Kaban Kunsil Nengeri (ADUN) Meradong, Datuk Ding Kuong Hiing ba Aum Kunsil Nengeri (DUN) Sarawak Ke-19 ditu, Hari Tiga.
Iya madah, projek nya deka mungkur pengawa ngaga jalai semin, lambang limau (‘ikon Bintangor’), penyangkai, terminal bas sereta mayuh ke bukai. -EDISI UKAS