Perintah Sarawak Ransing Nyaup Rayat Nyaga Hak Tanah NCR

HARI EMPAT, 9 MARCH 2023

SIBU: Perintah Sarawak semampai nyaup rayat nyaga hak ba Tanah Adat Bumiputera (NCR) sida tang meseti bisi penerang beempu tanah ke amat sereta nitih undang-undang.

Sapit Premier Sarawak, Datuk Amar Awang Tengah Ali Hasan madah, saup perintah tu endang bepelasarka undang-undang ba Kanun Tanah Nengeri (KTN).

“Pengawa nyukat tanah ukai pekara ke baru tang udah digaga kenyau ari taun 1960 menya.

“Ukai semina nya, macham bengkah chara dikena perintah nyaup rayat nyukat tanah,” pia ku iya madah maya Pengawa Nyuaka Chek Pampas Tanah, Gazet Komunal Bumiputera Seksyen 6 Kanun Tanah Nengeri & Surat Hak Tanah Seksyen 18 Kanun Tanah Nengeri Sitak Sibu ditu, kena Hari Tiga.

Iya ke mega Menteri Pengeraja Asal enggau Pemansang Mengeri II enggau Menteri Dagang Antarabansa, Industri enggau Pemeranak Puku Sarawak minta sida ke beempu tanah NCR ngambika nyaup bala Opis Tanah enggau Servei (JTS) maya tanah sida disukat.

Ku iya, tu dikena nentuka pengawa nya jampat dikereja kelimpah nyeliah penyarut nyadi bekaul enggau entara tanah pangan diri.

“Enti notis udah diberi, kita meseti enggau nyukat laban semina kita aja nemu ni bagi entara tanah kita,” ku iya madah baru.

Maya nya mega iya madahka Program Nyukat Tanah NCR Inisiatif Baru deka dipajakka nitih ke peminta rayat.

Ku iya, ari pegai Premier Sarawak Datuk Patinggi Tan Sri (Dr) Abang Abdul Rahman Zohari Tun Datuk Abang Openg, Perintah Sarawak udah ngungkupka belanja RM40 juta dikena ngemujurka program nya.

Kelimpah ari nya ku iya, perintah mega ngemendarka agih belanja urung RM30 juta dikena ngambi 467 iku pegawai enggau staf ba JTS ba tuju ngerumban pengawa nyukat tanah.

Ba pengawa sehari nya bisi 17 iti chek pampas ari Projek Kampung Banyok Extension Scheme disuaka ngagai 12 penerima ba DUN Dudong enggau semua penyampau RM2,032,939.10.

Kelimpah ari nya, 361 iku peranak DUN Bawang Assan bela nerima 441 chek pampas enggau penyampau RM11,539,472.70 ari projek Proposed Sungai Maaw/5G Merah 132K Transmission Line Project Sibu.

Ba Projek Ngaduka Jalai Batang di Nengeri Sarawak (Renggat IV) Sitak Sibu, 20 iti chek enggau penyampau RM61,694.62 disuaka ngagai 13 penerima ari DUN Ngemah.

Bela disuaka iya nya 40 iti surat pala tanah Seksyen 18 ngagai 40 penerima ari Sungai Salim, Sibu enggau Gazet Rizab Komunal Bumiputera Seksyen 6 KTN bagi menua Batu Burak, Igan Sibu di DUN Bawang Assan disua ngagai tiga penerima.-EDISI UKAS

add comment

online casino malaysia online casino malaysia malaysia online casino malaysia online casino trusted online casino malaysia trusted online casino malaysia casino online malaysia casino online malaysia