PVTLDM Sarawak Nyuaka Bantu Ngagai Veteran TLDM Di Taman Samarindah

HARI LIMA, 3 SEPTEMBER 2021

KOTA SAMARAHAN: Gerempung Veteran Soldadu Tasik DiRaja Malaysia (PVTLDM) Sarawak meri bantu ngagai veteran TLDM ke benung bejalaika Atur Mindah Betagang Diteritka (PKPD) di Taman Samarindah.

Bisi 33 Tuai Ruang Bilik (KIR) nerima bantu ti disuaka Kaban Komiti (AJK) PVTLDM Sarawak ti diuluka Presiden iya, Muhammad Ruslan Sain Abdullah. 

Muhammad Ruslan  maya dirandau ngarapka bantu tu ulih ngelempungka tating belanja sida maya bejalaika PKPD.

Iya mega ngenataika jaku terima kasih ngagai AJK ke udah besaup ngemujurka program nya.

Dulu agi ari tu, program ke sebaka udah diatur ba Opar. – EDISI UKAS