340 Iku Nembiak SMK Lubok Antu Nerima Tuchuk Dos Keterubah Di PPV Dewan Kompleks Sukan Lubok Antu

HARI EMPAT, 9 SEPTEMBER 2021

LUBOK ANTU: Bisi 340 iku nembiak Sekolah Menengah Kebangsaan (SMK) Lubok Antu nerima tuchuk vaksin dos keterubah bansa Pfizer ba Palan Meri Vaksin (PPV) Dewan Kompleks Sukan Lubok Antu, kena Hari Tiga.

Penerima vaksin tu iya nya 179 iku nembiak Pom Empat enggau 161 iku nembiak Pom Lima sekula nya.

Pengawa vaksinasyen tu diatur Opis Pengerai Malaysia (KKM) Sitak Sri Aman ti disaup Polis DiRaja Malaysia (PDRM), Opis Volunteer Malaysia (RELA) enggau Raban Pengetan Pengelikun Mensia Mayuh Malaysia (APM).

Nitihka ripot Opis Pelajar Pelilih Lubok Antu, bisi sekeda nembiak sekula empai bulih vaksin ketegal benung bejalaika Atur Mindah Betagang Diteritka (PKPD) ba 14 buah rumah panjai pelilih Lubok Antu. –EDISI UKAS

Share
0

add comment