HARI DUA, 18 JANUARI 2022
KUCHING: Sapit Sekretari Perintah Nengeri (Transformasyen Menua Pesisir) ke mega Sapit Chairman Komiti Penyangga Penusah Nengeri Sarawak (JPBNS), Datu Ik Pahon Joyik udah ngabas pengawa ke diatur ba Baraj Kuching, kena Hari Satu.
Maya dirandau iya madah, penatai iya sehari nya dikena iya meda pengawa nyikap napi penusah ampuh bah kelimpah penerang ke pemadu baru bekaul enggau penusah nya.
“Kitai lantang ati enggau pengawa ke diatur Baraj Kuching alai atur pengawa ke digaga sida seririh enggau atur ba JPBNS.
“Tu bekaul enggau ‘Real-time CCTV’ ti dikena meda rikod video enggau jam nitihka pekara ke nyadi ari Baraj ngagai sekretariat JPBNS,” pia ku iya madah.
Nambahka jaku iya, Datu Ik Pahon madah, Baraj Kuching bela nentuka proses ‘mitigation’ digaga enggau mujur sekumbang musim landas tu. -EDISI UKAS